خواجہ سرا اتحاد کی جانب سے راولپنڈی پریس کلب کے سامنے مکان مالکان کے خلاف احتجاجی مظاہر ہ ، مطاہر ین نے پلے کارڈز اٹھا رکھے تھے۔
مظاہرین سے خطاب کرتے ہوئے ٹرانسجینڈرز الائنس کی چیئرپرسن صبا گل کہنا تھا کہ ہمارے کچھ خواجہ سرا ڈھوک کالا خان کے علاقے میں کراے کے ایک مکان مِیں رہائش پذیرہیں۔ آدھی رات کومالک مکان آیا اور زبردی گھرسے بے دخلی کا نوٹس دے دیا۔ جب خواجہ سراوں نے بے دخلی کی وجہ پوچھی تواس نے انہیں مارنا شروع کردیا۔ مارپیٹ کرنے کی اس نے وڈیوبھی بنائی جسے بعد ازاں اس نے انٹرنیٹ پروائرل کردیا۔ مالک مکان تاحال زبردستی گھر خالی کرانے کیلئے مختلف طریقوں سے ڈرا دھمکا رہاہے۔ صباگل نے صدر پاکستان ،وزیراعظم پاکستان ، اور چیف جسٹس پاکستان سے مطالبہ کیا ہے کہ اس واقعہ کا فی الفورنوٹس کرملزمان کے خلاف قانونی کارروائی عمل میں لائی جائے ۔ اس موقع پر مظاہرین نے ہاتھوں میں بینرز اور کتبے اٹھا رکھے تھے جن پر انصاف کی فراہمی کے نعرے درج تھے۔
0 Post a Comment:
Post a Comment